المايسترو دياب : أبدع و تألق في الاعلان ... شرح تفصيلي خش وشوف

بداية الاعلان
صورة من منظور عين الصقر اللي بيكشف كل البحر وفيه جزيرة بعيدة , يعني كل عوامل الصيف والجو الجميل

اللقطة التانية , قريبة شوية من اليخت من فوق , وبتظهر الناس اللي قاعدين علي المقدمة في استرخاء واستجمام
وخللو بالكو ان الموسيقي اللي شغالة اوروبية , ومالهاش علاقة بعمرو
خالص

بعدين اتنقلنا للكابينة بتاعت الركاب وبنلاقي موديل الاعلان وهيا معاها صينية عليها مشروب المياه الغازية
والناس تخطفه منها وما يتبقاش الا واحدة بس

عمرو كان قاعد في الخلفية , يقوم من مكانه و رايح ياخد اخر واحدة

تقوم الموديل بدلال تبعد عنه ( ليه ما اعرفش , جايز بتعاكسه , هيا اصلا كانت واكلاه بعينيها اول ما دخلت الكابينة ) وعمرو يقرب منها

تيجي تتدور علشان تديله الكانز , يحصل نقطة التحول في الاعلان
الكانز يطير ويبعد لحد مقدمة اليخت , ازاي , طبعا علشان الهوا كان جامد ( افتكر دي مفهومة يعني مش محتاجة سؤال ) الاعضاء هنا بتفكر بطريقة غريبة ساعات

وبعدين نظرة دهشة شقية علي وش الموديل

نلاقي عمرو مبتسم في ثقة وهدوء , ومن غير لا كلام ولا حتي سلام لقينا في عينيه كل الاحلام

بعد كدة ندخل علي موضوع الاعلان ... عمرو احسن دي جي مان
يشغل الدي جي في القسم الخلفي من اليخت وهاتك يا مزيكا ورقص

بعد كدة منظور عين الصقر من تاني , ونلاقي الناس اللي في المقدمة رجعوا علشان يرقصوا مع المزيكا ( ده عمرو برضو يا جدعان ) وتشتغل انت الغالي

وهنا فيه حتة مجرمة من المخرج ( هو الاعلان كله مجرم اصلا ) بنلاقي ان الناس مش قادرة تصبر لحد ما توصل لعمرو وبترقص في السكة

وبعدين مشاهد من الفرحة والمرح والرقص علي انغام دياب
كل ده وعمرو متقمص ومندمج تماما في دور الدي جي مان المرح المنطلق
من الاخر عمرو المايسترو

وبعدين المخرج ياخدنا لكابينة القيادة , ونشوف القبطان وهو قدامه الاجهزة بتاعت اتزان اليخت بتطلق الانذار

وهنا تيجي اروع لقطة من وجهة نظري لليخت وهو مايل شوية لورا ناحية الدي جي

دلوقتي اللي ما فهمش عمرو هيفهمه , و نورهان بنت خالي الصغيرة هتتنطط وهيا بتقول : شفت يا بابا ده عمل كدة علشان الكانز ترجعله
وبعدين مشهد عمرو وهو بيلتقطها , ولا اجدعها لعيب بيسبول فيكي يا أمريكا اللي عمرو بيقضي فيها أجازته بعد 2 مليون نسخة من ألبوم الليلادي

وييجي مشهد شرب المياه الغازية

وبعدين اشارة من عمرو علشان يفتحوا مستودع الكانز علي اليخت

وفي الاخر مشهد عبقري ولا اروع
منظر عين الصقر من تاني ( خلوه عين النسر المرة دي ) واليخت يتهادي في البحر

يااااااااااااه يا عمرو من الصبح لحد الغروب وهما بيسمعوا اغانيك
سامعين عمرو بيرد عليا ويقوللي ايه ؟

آآآآآآآآآآآآآآآآآآآآآآه

انت الغالي يا عمرو , والله أنا ليا الشرف اني واحد من جمهورك